✅Ցանկալի է մեղրը պահել ապակյա տարայում 20° C- ից ոչ բարձր ջերմաստիճանում և մութ տեղում։ Երկարատև պահպանման համար մեղրը կարելի է պահել նաև սառնարանում։

✅Եթե մեղրը պահվում է թափանցիկ տարայում և գտնվում է լույսի տակ, ապա նրա գունը ժամանակի ընթացքում կարող է մգանալ։

✅Խորհուրդ չի տրվումա մեղրը պահել պլաստիկ տարաներում, քանի որ դրանք ժամանակի ընթացքում փոխում են մեղրի համը։

❗Պետք չէ վախենալ, եթե տեսնում եք, որ մեղրի մեջ սկսվում է բյուրեղացման գործընթաց։ Բյուրեղացումը լրիվ բնական գործընթաց է,որը ոչ մի կերպ չի կարողա անդրադառնալ մեղրի համի և հատկությունների վրա։ Բյուրեղացումը կախված է ծաղկի տեսակից և մեղրի մեջ ֆրուկտոզա-գլյուկոզա հարաբերակցությունից. որքան գլյուկոզան շատ է, այնքան բյուրեղացումը շուտ է տեղի ունենում, հակառակ դեպքում`ավելի ուշ։ Տարբեր տեսակի մեղրեր կարող են բյուրեղանալ այլ պայմաններում և ժամանակահատվածում։ Կան մեղրի տեսակներ,որոնք շատ երկար ժամանակ պահելուց հետո նույնիսկ չեն բյուրեղանում, իսկ այլ շատ տեսակներ կարող են բյուրեղանալ արդեն մեղրը հավաքելուց մեկ շաբաթ անց։